ماذا ستتعلم؟
هتتعلم أساسيات الكهرباء والإلكترونيات يعني هتفهم: الكهربا بتمشي إزاي في الجهاز؟ يعني إيه الفولت والتيار؟ ليه قطعة تشتغل وقطعة تبوّظ؟ ده الأساس اللي يخليك تفهم الجهاز مش بس تكسره.
التعرّف على المكونات الإلكترونية هتتعلم: المقاومة شكلها إيه؟ المكثف بيعمل إيه ؟ الشيبس والدوائر علشان لما تفتح جهاز، تعرف إنت باصص على إيه.
هتستخدم أدوات حقيقية زي: المالتيميتر: تقيس فولت وتشيك توصيل Logic Analyzer: تشوف البيانات ماشية إزاي USB to Serial: تدخل على الجهاز من باب سري Flash Programmer: تسحب السوفتوير من الجهاز .يعني أدوات هاكر هاردوير مش سوفتوير بس.
درس عن اللحام: توصل سلك تثبّت نقطة هتتعلم الأساسيات
OSINT وRecon على الأجهزة يعني: تجمع معلومات عن الجهاز قبل ما تلمسه ... تشوف الشركة، الموديل، التحديثات ....تعرف نقاط الضعف من غير ما تفتح الجهاز زي الاستطلاع قبل الهجوم.
قراءة الـ Datasheet الورقة اللي: الشركة كاتبة فيها كل حاجة عن القطعة ....البنات (Pins) .... الجهد طرق التواصل... لو فهمتها: إنت بقيت ماسك مفتاح الجهاز.
بروتوكولات IoT (UART – SPI) دي الطرق اللي: الجهاز بيكلم بيها نفسه أو بيكلم قطع تانية لو عرفتها: تقدر تتنصّت أو تدخل أوامر أو تسحب بيانات.
الدخول على Serial Shell يعني: تفتح واجهة أوامر للجهاز كأنك فاتح ترمينال على لينكس بس جوه الجهاز نفسه وده من أقوى الحاجات في الاختراق.
استخراج الـ Firmware يعني: تسحب السوفتوير من جوه الجهاز بدل ما تهاجمه وهو شغال وبكده تقدر تحلّله براحتك.
عن هذا الفصل
الكورس ده بيقدّم تجربة تعلّم متكاملة في مجال إنترنت الأشياء واختراق الهاردوير، وبيغطي المجال من الأساسيات لحد المستويات المتقدمة
المحتوى مبني على فهم ليه الحاجة بتحصل قبل إزاي تتنفّذ مع تركيز قوي على التطبيق العملي اللي بيحاكي الواقع الحقيقي لسوق العمل.
الكورس بيضم مشاريع عملية كاملة سواء مشاريع حقيقية أو سيناريوهات معمولة مخصوص علشان تمثّل مشاكل بتقابل المتخصصين في المجال وده بيساعد على بناء Portfolio قوي ومقنع يثبت الفهم والقدرة العملية.
فيه متابعة ودعم مستمر من خلال منتديات مخصصة وجلسات أسئلة وأجوبة، مع مراجعة المشاريع وتقديم ملاحظات عملية قابلة للتنفيذ، علشان التطوّر يكون حقيقي مش نظري بس.
المحتوى قابل للتحديث مدى الحياة، أي تحديث أو إضافة جديدة في المجال بتدخل على الكورس تلقائيًا
الكورس ده ببساطة بيعلّمك إزاي تهاجم جهاز مش برنامج.
يعني بدل ما تهاجم موقع أو تطبيق موبايل، إنت هنا بتتعامل مع جهاز حقيقي في إيدك:
راوتر
كاميرا مراقبة
جهاز سمارت
أي جهاز IoT
🔸 الفكرة الأساسية
أجهزة IoT مش بس سوفتوير…
هي سوفتوير + هاردوير
والكورس ده بيقولك:
طالما الجهاز في إيدك، تقدر تدخل له من طرق غير تقليدية.
🔸 يعني إيه اختراق Hardware؟
يعني:
تفتح الجهاز وتشوف اللي جواه
توصل على البورد
تستخدم مداخل زي UART / JTAG
تسحب الفيرموير
تشوف الجهاز بيتواصل إزاي
وتستغل أي ضعف موجود علشان توصل لمعلومات أو تحكم أكبر
🔸 ليه الكورس مبتدئ بس في نفس الوقت متوسط؟
مبتدئ → لأنه بيبدأ من الصفر في IoT وHardware
متوسط → لأنه مفترض إنك:
فاهم يعني إيه اختراق
عارف شبكات
فاهم Web أو Mobile Pentesting
يعني:
مش بيعلّمك يعني إيه هاكر
لكن بيعلّمك تطبّق اللي تعرفه على أجهزة حقيقية
🔸 مين أنسب شخص للكورس ده؟
شخص دخل مجال الأمن السيبراني
جرّب Network أو Web Pentesting
وعايز يتوسّع ويدخل مجال اختراق الأجهزة الذكية
ولو إنت لسه مبتدئ خالص؟
ولا يهمك، الكورس هيخلّيك:
تفهم الفكرة
تعرف المجال
وتبني أساس صح تكمل عليه بعد كده
فيه دعم خاص ليك طوال فترة التعلّم.
يعني:
تقدر تسأل في أي نقطة مش واضحة
تاخد توضيح عملي ومباشر
تمشي في التطبيق خطوة بخطوة
الدعم معمول علشان:
تبني فهم حقيقي لمجال IoT وHardware Hacking.
🔴 ملحوظة مهمّة بخصوص نظام الكورس
الكورس مش عبارة عن فيديوهات مسجّلة جاهزة
وكمان مش لايف مباشر.
النظام كالتالي
كل أسبوع بينزل فيديو واحد جديد
الفيديو بيكون محتوى مُحدّث حسب تطوّر المجال
إنت بتدفع مرة واحدة بس
وبعدها بتاخد كل التحديثات المستقبلية من غير ما تدفع تاني
يعني إيه الكلام ده ببساطة؟
يعني إنت مش بتشتري كورس ثابت
إنت بتشتري معرفة بتتجدد.
ليه النظام ده قوي في مجال IoT وHardware Hacking؟
مجال:
إنترنت الأشياء
اختراق الهاردوير
بيتغيّر بسرعة جدًا
ثغرات جديدة، أجهزة جديدة، طرق هجوم أحدث.
فبدل ما:
تتفرج على فيديوهات قديمة
أو كورس انتهى من سنتين
إنت هنا:
كل أسبوع بتاخد إضافة جديدة
كل تحديث بيبني على اللي قبله
وبتفضل دايمًا ماشي مع السوق الحقيقي
المتطلبات
مش لازم تكون خبير، بس مهم: تكون عارف يعني إيه اختبار اختراق فاهم الفكرة العامة للهجوم والدفاع وعندك معرفة بسيطة بـ لينكس (تفتح ترمينال، أوامر بسيطة) يعني الكورس: مش بيبدأ من صفر كمبيوتر لكنه مناسب لأي حد دخل الأمن السيبراني قبل كده ولو حبة
إنت محتاج: ويندوز أو لينكس أو ماك 8 جيجا رام على الأقل 40 جيجا مساحة فاضية ويشغّل Virtual Machine (زي Kali Linux)
⚠️ ملحوظة مهمة: لو معاك MacBook بمعالج M1 مش هيشتغل معاك نفس الأنظمة اللي مستخدمة في الكورس.
لو عايز تطبّق كل حاجة بنفسك: هتحتاج تشتري أدوات وأجهزة حقيقية زي أدوات توصيل، بوردات، أجهزة اختبار القائمة كاملة: موجودة في الدرس التاني ومتاحة تشوفها قبل ما تكمل بس خليك مطمّن: مش كل الكورس محتاج Hardware في أجزاء عملية تقدر تطبقها من غير أجهزة حقيقية
.jpeg)
